Aðlögun í Leikskólabyrjun

Að byrja í leikskóla er ný reynsla fyrir barn og foreldra þess og leiðir það oft til mikilla breytinga í fjölskyldulífinu því leikskólinn er heill heimur út af fyrir sig. Leikskólabyrjunin er mikilvæg, fyrir börn jafnt sem foreldra. Í gegnum aðlögunarferlið kynnast þau í sameiningu mörgum þáttum í starfi leikskólans, nýjum húsakynnum, starfsfólki og leikfélögum.

Áður en aðlögunarferlið hefst koma foreldrar í viðtal með leikskólastjóra og deildarstjóra.

Aðlögunarferli barns í Kirkjuból tekur um það bil eina viku. Fyrstu þrjá daga aðlögunarferlisnins eru foreldrar á svæðinu. þá gefst foreldrum og starfsfólki tími til að kynnast og skiptast á upplýsingum um barnið. Það veitir barni mikið öryggi að takast á við nýjar aðstæður með foreldra sér við hlið.

Aðlögunarferlin hér að neðan eru viðmið um leikskólabyrjun. Eftir þrjá fyrstu dagana er samráð á milli foreldra og leikskólakennara um framhaldið, því það er mjög einstaklingsbundið hversu langan tíma hvert barn þarf.


Aðlögun fyrir nýja nemendur í leikskóla

1. dagur: 9:00 - 11:00 Barn og foreldri/ar dvelja saman í leikskólanum

2. dagur: 9.00 - 12:00 Barn og foreldri/ar dvelja saman í leikskólanum.

Barnið er með í matartíma, foreldri/ar aðstoða eða bíða.

3. dagur: 9:00 - 15:00 Foreldri/um er boðið að fara frá kl. 11:00 og koma aftur kl 13:30

eða þegar barnið vaknar eftir hvíldartíma og vera með því fram yfir nónhressingu.

4. dagur: Barnið kemur kl. 8:30 (ef vistunartími hefst fyrir kl. 9). Barnið er með í hádegismat og hvíldartíma án foreldris/a.

5. dagur: Barnið er í leikskólanum án foreldris/a. Barnið er sótt eftir hvíldartíma.

6. dagur: Barnið er í leikskólanum án foreldris/a. Barnið er með í nónhressingu og er sótt kl. 15:00.

7. dagur: Barnið dvelur í leikskólanum umsaminn vistunartíma ef vel gengur, fer það eftir þörfum hvers og eins.


Aðlögun eldri barna

1. dagur: 9:00 - 12:00 Barn og foreldri/ar dvelja saman í leikskólanum.

2. dagur: 13:00 - 16:00 Barn og foreldri/ar dvelja saman í leikskólanum.

3. dagur: 8:30 - 14:00 (ef vistunartími hefst fyrir kl. 9), barnið er með í hádegismat og hvíldar- eða sögustund.

4. dagur: Barnið er í leikskólanum án foreldris/a. Barnið er með í nónhressingu og er sótt kl. 15:00.

5. dagur: Barnið dvelur í leikskólanum umsaminn vistunartíma ef vel gengur, fer það eftir þörfum hvers og eins.

© 2016 - 2019 Karellen